財經花生丨黃傑龍揭張家朗3年食9萬蚊牛角-加碼再送10萬金卡

2024-08-01 20:10 admin

黃傑龍表示再向張家朗送出10萬元金會籍。

「劍神」張家朗在巴黎奧運歷史性成功衞冕個人花劍金牌，令全城振奮。經營日式飲食品牌「牛角」及「牛涮鍋」的敘福樓(01978)主席兼行政總裁、稻苗飲食專業學會榮譽會長黃傑龍透露，3年前張家朗在東京奧運奪金，當時他向張家朗送贈內含10萬元的金會籍，他周二(7月30日)翻查紀錄，發現「原來三年來佢都食咗近8899(萬)」。

黃傑龍續指：「咁就得啦，你俾面食我哋梗係繼續送，暫時送多$100,000先，唔夠話我知隨時加。」他又揶揄意大利網民，稱「講明先我哋冇得食菠蘿pizza 㗎」。

對於有人質疑為何不向其他獲獎運動員送贈，黃傑龍強調自己並非「抽水博宣傳」，又指「不負責任地在自己個Facebook任意寫送幾多幾多俾啲運動員係好簡單，因為多數現實就係根本運動員收唔到。」

黃傑龍續指，3年前他是透過立法會議員霍啟剛，將兩張金卡送給張家朗及「女飛魚」何詩蓓，結果發現張家朗的確有用優惠，「咁我假設佢係鍾意食嘅，所以我咪喺佢現有張卡度充值入去，我覺得合情合理」。

他表示，何詩蓓收卡後只使用了四位數，「咁即係佢應該唔啱食」，所以沒有再送10萬元會籍，至於「劍後」江旻憓是素食者，牛角作為一間肉類餐廳，也不應該「夾硬」送。不過黃傑龍補充：「任何奧運運動員，只要你PM私訊我輕輕同我講一聲『其實我都鍾意食牛角』，咁就係我最大嘅榮幸請你食餐飯」，並希望大家繼續關注香港運動員表現。

黃傑龍今早再發文，指送優惠背後沒有盤算，純粹是為香港隊運動員獲得金牌而興奮，「個個人選擇表達嘅方式唔同，咁我做飲食嘅、開牛角嘅，我最直接嘅情感表達就係請你食牛角。」

鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。

標題：財經花生丨黃傑龍揭張家朗3年食9萬蚊牛角-加碼再送10萬金卡

地址：https://www.sgitmedia.com/article/37189.html

上一篇：第三屆ESG大獎18企業獲嘉許-許正宇-綠色融資需求大
下一篇：英偉達股價飆13--獲大摩列首選股-市值一夜增3290億美元破紀錄
相關閱讀：
熱門標籤
推薦新聞