熱話--執笠關注組-宣布執笠-版主親自解釋原因-預告將改名重開

2024-04-11 20:10 admin

群組封面圖已加上「CLOSING DOWN」(關門)的字句。

疫後本港經濟復甦未如預期，加上港人掀起北上消費熱，本港店舖結業潮備受關注，Facebook有一個「全港店舖執笠結業消息關注組」(簡稱執笠關注組)在短短兩周內有超過30萬人加入，熱爆網絡。不過，版主昨晚(11日)突然在YouTube公布執笠關注組正式「執笠」。

自稱是版主的Neighbor(阿Nei)於YouTube以「破30萬笠友大感謝~ 更新模式！全港店舖執笠結業消息關注組 正式宣佈執笠了！」為題發布影片，宣布群組「執笠」消息。版主在影片中表示，「執笠」的決定早已萌生，原本打算在訂閱人數破20萬時宣布「執笠」，然而各種原因延遲公布。

不過，他指「執笠」不代表不可以重開，關注組「執笠」後，將會改名在4月23日重開，更名為「全港店舖消息關注組」，形容是「一個比較中性啲嘅名」。

對於群組「執笠」和改名的原因，版主指其中一個因素是主題已變質，「每逢一個群組啦越嚟越多人嘅時候，其實佢哋傾嘅嘢，好多時都會偏向off topic(離題)咗，個group已經開始難聽啲講叫變質啦」。但版主認為這種情況亦可以有正面思維，可看作是「代表緊香港人關心佢哋城市嘅表現嚟嘅，因為大家都想知，究竟有咩原因會引發到呢樣咁樣，即係好似好負面嘅所謂執笠潮咁樣」。

群組內，有不少網民都貼出各區餐飲零售店將會結業的壞消息。

版主續說，當一個群組人數達到20萬至30萬人「其實真係有個社會責任」，又指「如果當一個group淨係講執笠，個話題係咪對社會好呢？」他認為，如果群組改名後可以繼續運作是好的轉變，「其實個group用呢個名已經太多人攻擊，入咗30萬人入嚟，如果改名之後我哋係可以持續繼續傾落去，唔會令到個社會覺得因為有呢個group，經濟差咗賴落你度咁，我覺得係一個好好嘅轉變嚟」。

他補充，即使群組改名，仍歡迎討論香港實體經濟消息，包括開張及結業，「無論係零售店舖啦，開鋪又好結業又好，餐廳啦有新餐廳又好，一啲小店，一啲大集團呢，同埋關於商場啦，人流上面嘅討論啦，街道上面嘅討論呢，都係歡迎嘅」。

「執笠關注組」執笠的消息亦在Facebook群組內公布，群組封面圖已加上「CLOSING DOWN」(關門)的字句。有網民指「執笠group都要執笠？」、「唔係嘛執笠group都執笠」。

有人則表示「其實有依個group出，又有甘多人join，某一方面都係對各大地主／業主都係一個警號」。不過有人坦言對版主「執笠」的決定不意外，指群組在短時關內有30萬人加入，受到各方面關注，認為版主承受不少壓力，群組執笠是意料中事，「劇本早已寫好」、「抵啦，啲人無釐頭影啲九唔搭八嘢又出個po，遲早都係收皮」。

鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。

標題：熱話--執笠關注組-宣布執笠-版主親自解釋原因-預告將改名重開

地址：https://www.sgitmedia.com/article/27932.html

上一篇：內地經濟-大行紛上調中國增長預測-大摩今年看升4-8
下一篇：內地經濟-3月CPI按年升0-1-低預期-節後食品出行價格回落
相關閱讀：
熱門標籤
推薦新聞