大劉讚太太聽話-送錢畀人一定照做--指某人貪到死一定會破產

2023-11-10 20:10 admin

大劉指某人貪到死一定會破產。

富商「大劉」劉鑾雄今日(10日)下午突然舉行記者會，包括回應近日在內地網多則有關其財產分配的文章，大讚太太陳凱韻(甘比)聽話，「我而家突然話呢個哥哥姐姐，話佢幾醒目，『老婆送1,000萬、100萬畀佢』，佢(甘比)一定會照做。」

記者會上，大劉雖然全程沒有開名，但暗示前女友呂麗君(現名：呂姵霖)不能分到其身家。「佢實破產㗎，貪到死，乜嘢都要借，你睇佢買嗰個晉環，畀10% deposit，畀15%政府，你夠薑嘅，你畀曬現金啦。我見啲有錢佬老婆畀現金，收租唔使驚個payment吖嘛，但畀10%deposit，畀15%政府，你話係咪傻㗎？」

大劉繼續發炮：「數目字係邊時？以前買塊地萬幾蚊，食碗叉燒飯7毫子，而家邊有？唔同時間數字就唔同。佢係納米型小賊，成家都係。買埋啲Accumulator，I'll kill you later！佢買晉環，人哋一次過畀錢買，佢10%做deposit，15%做stamp。佢無腦㗎，鴕鳥政策，以後再唔會救佢，再破產都唔會救，大家再無關係。」

被問到對方有沒有主動聯絡，他回應指：「咁就冇，但我打畀啲仔女時，佢就坐旁邊搭嗲，你估我會唔會聽佢電話？我住院時，佢見我未死得就扮Close，我即刻同陳凱韻結婚，點知結婚婚都未夠，要分身家先有保障。」

大劉續指：「我開記者會之後一星期，我同律師講寧願分錯都唔願畀佢得益。可能我鬥零都唔分，可能留畀我老婆同佢三個仔女決定。(咁你會唔會分畀佢啲仔女？)我唔係唔想分，怕俾佢撻埋。有冇睇早排《東張西望》？有個肥女人嫁咗四次，間公屋都呃埋個仔。」

鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。

標題：大劉讚太太聽話-送錢畀人一定照做--指某人貪到死一定會破產

地址：https://www.sgitmedia.com/article/15169.html

上一篇：僅三成本港AI企業有盈利-面對算力不足難覓人才問題
下一篇：大劉-樓市冧咗唔係咁易救得起-有隻心水股份息率逾6釐
相關閱讀：
熱門標籤
推薦新聞