大劉撐甘比助賺逾200億-無生氣許家印--...

2023-11-10 20:10 admin

大劉指所有投資損失都是他自己。

人稱「大劉」的華人置業(00127)前主席劉鑾雄今日下午突然舉行記者會，回應近期網絡上的文章，包括投資恆大(03333) 造成巨額虧損、太太「甘比」陳凱韻投資失利等傳聞。

他澄清太太陳凱韻(甘比)從來沒有為公司損失200億元，「佢同我賺超過200億藝術品投資就有」，又指所有投資損失都是他自己，所有有關他投資損失的報道，都是虛構及嚴重造謠。

大劉表示，40多年前已投資內地市場，相信內房問題國家很著急解決，「咁大個沙灘，我嘅影響一粒沙都冇」。

大劉指太太曾為他賺超過200億元。資料圖

恆大主席許家印與大劉頗有交情，被問有沒有與許家印聯絡，他則哄堂大笑：「我相信都冇人聯絡到佢。」他表示從來無對許家印生氣，「我只係嬲自己」，甘比及她的姊姊當年經常著他出售恆大投資，但他始終未有聽從。今天投資環境惡劣，尋找投資機會要「小心、小心、再小心。」

對於有內媒指他投資恆大蝕400、500多億元，大劉指，要視乎計不計算中途的盈利，「恆大我都有賺過」。但被問及整個恆大投資虧損，他則指「梗係唔答你啦，但最少我唔使俾人追債、call孖展。」

大劉又否認「將全部財產轉給兒子」、「甘比800億落空」之說，他續道：「800億落空，呢啲好似真嘅一樣都係假嘅，仲話我將啲財產畀個仔，完全都係冇嘅。」

大劉暗指呂麗君請人做打手造謠。

大劉強調，網上傳聞嚴重失實，更暗指前女友呂麗君在網上請打手散播謠言：「聽聞佢請咗網上打手，請咗以前《忽然一周》總編輯帶呢隊人，專係負責做呢啲嘢。講到佢幫我損失百幾億，又話個仔乜乜，仲話我就嚟死。」

大劉又提到，早幾日約朋友食飯，對方指外間瘋傳他「身體好差就嚟死」的消息，他中氣十足表示：「你睇我而家個似唔似就嚟死？可能畀人激死就有，但我自己身體係冇嘢。如果我再唔出嚟，可能傳我死咗。」

鄭重聲明：本文版權歸原作者所有，轉載文章僅為傳播信息之目的，不構成任何投資建議，如有侵權行為，請第一時間聯絡我們修改或刪除，多謝。

標題：大劉撐甘比助賺逾200億-無生氣許家印--我只係嬲自己-無聽從沽恆大

地址：https://www.sgitmedia.com/article/15171.html